පුවත්.... (2016/01/23)
--------------------------------------------------------------------------------------------------
සිරිසේනගෙන් ‘ගං මුගටි‘ කතාවක්..! ‘වෙබ් අඩවි කියන්නේ කැලෑ පත්තර., මම නං ඕවා බලන්නේ නෑ..!! කැලෑ පත්තර බලනවාට වඩා වෙන වැඩ තියෙනවා..!!!‘ -මුල අමතක ජනාධිපති සිරිසේන බීබීසියට කියයි
(ලංකා ඊ නිව්ස් -2016.ජන.23, ප.ව.5.45) වෙබ් අඩවි සිදු කරන්නේ නිදහස් සමාජයක පවතින නිදහස අශීලාචාර ලෙස භාවිත කිරීම බවත් වෙබ් අඩවි යනු කැලෑ පත්තර බවත් ශ්‍රී ලංකාවේ ජනාධිපති මෛත්‍රීපාල සිරිසේන පවසා ඇත. “මම නං ඕවා බලන්නේ නෑ. ඕවා කැලෑ පත්තර. කැලෑ පත්තර බලනවාට වඩා අපට වැඩ තියෙනවා“ යි ද ඔහු වැඩි දුරටත් පවසා තිබේ.
http://www.lankaenews.com/news/3394/si
---------------------------------------------------------------------------------------------------------
ඉහත පුවතට පිලිතුරක්...
ජනාධිපතිවරයා බීබීසීය සමග කළ සම්මුඛ සාකච්ඡාවේදී.....
ඉහත පුවත සහ ඒ තුල සැඟව අැති විරසකය සම්බන්ධයෙන් පාඨක ප්‍රජාව විදියට අපගේ කිසියම් ප්‍රමානයක මැදිහත් වීමක් සිදු නොකලහොත් එය අරබුදයට පත්ව සිටිනා සියළු පාර්ශවයන් හට කරනා අකෘතඥ කමකි. එනිසා සාධාරන සමාජයක් තුල පැවතිය යුතු සංහිඳියාව උදෙසා අපවත්වී වදාල ගරුතර සෝභිත මාහිමිපානන් වෙනුවෙන් සාම දූතයකු නැතහොත් දුක් ගන්නා රාල වීමට මෙහිදී සත්පුරවැසියා කල්පනා කලෙමි. නොඑසේ උවහොත් සැබවින්ම මැරුවත් අැත්ත කියනා ඊනිව්ස් මෙහිදී කලකිරුනහොත් ඒ සියළු පාඩු සමස්ත තිත්ත අැත්ත සොයනා ජනතාවටමය..
ප්‍රථමයෙන් ඊනිව්ස් කාර්යය මණ්ඩලය ජනාධිපති තුමන්ගේ ඉහත විවේචනය තම අඩවියම ඉලක්ක කර සිදු කරන ලද්දක් බව නොගත යුතු මනාය. මන්ද යත් ජනාධිපති තුමා සේම ඊනිව්ස්ද...
---------------------------------------------------------
(වෙබ් අඩවි සිදු කරන්නේ නිදහස් සමාජයක පවතින නිදහස අශීලාචාර ලෙස භාවිතා කිරීම බවත් වෙබ් අඩවි යනු කැලෑ පත්තර බවත් ශ්‍රී ලංකාවේ ජනාධිපති මෛත්‍රීපාල සිරිසේන පවසා ඇත.“මම නං ඕවා බලන්නේ නෑ. ඕවා කැලෑ පත්තර. කැලෑ පත්තර බලනවාට වඩා අපට වැඩ තියෙනවා“ යි ද ඔහු වැඩි දුරටත් පවසා තිබේ)
---------------------------------------------------------
.... ඉහත නිදහස භාවිතා කර සිදුකරනා අශීලාචාර වෙබ් අඩවි ප්‍රචාරන බලන්නේද නැත. බලන්නට වෙලාවක්ද නැත. ඊට වඩා වටිනා වැඩ ඊනිව්ස් හටද බොහෝ අැත. එම නිසා මෙම චෝදනාව ඊනිව්ස් භාරගැනීම අවශ්‍ය නැත.
නමුත් අවධාරනය කල යුතු වන්නේ 2015 ජනවාරි 8 ට පෙර සිට ඊනිව්ස් නොසිටියානම් දේදුනු විප්ලවයේදී සමහර නිර්පාක්ෂික ප්‍රජාවගේ නොඅවබෝධය නිසා ඡන්ද ප්‍රකාශනයෙහි යම් රිනාත්මක වෙනස්කම් සිදුවිය හැකිව තිබුනු බවය. එකල ඊනිව්ස් ලංකාව තුල බැලීම වලකා තිබුනු නමුත් යමක් කමක් දත් මෙන්ම තමන් සොයනා සත්‍යය කෙසේ හෝ සොයා ගන්නා සවිඥ්ඥානිකයින් ලංකාව තුල හිඳිමින්ම තාක්ෂනිකව අන්තර්ජාලය ඔස්සේ වෙනත් රටවලට පිවිස රහස් මාර්ග ඔස්සේ ඊනිව්ස් අඩවියට පිවිස නිසි තතු දැන ගන්නට සමත් විනි. ඒ වගේම මව් රට වෙනුවෙන් ඊනිව්ස් ද තම කාර්යය භාරය පිටරටවල හිඳිමින් නොපිරිහෙලා අපගේ සෝභිත හිමිපානන් සේම ජීවිත පූජාවෙන් ඉෂ්ඨ කලේය. සැබවින්ම දේදුනු විප්ලවයේදී නම් ඊනිව්ස් දසමහා යෝධයින්ගේ කාර්යය භාරය ඉටුකල බවනම් නොමඳ ගෞරවයෙන් සිහිපත් කල යුතුමය. එම නිසා අපගේ වැටහීමේ හැටියට අදාල ප්‍රකාශයේ පවතින වචන කීපයක අඩුව හේතුවෙන් එය තමන් ඉලක්ක කොට සිදුකරන ලද්දක් බව ඊනිව්ස් සැලකිල්ලට නොගත යුතු මනාය.
කෙසේ වෙතත් ජනාධිපතිවරයා සහ/හෝ එතුමන්ගේ අාසන්නතමිකයින්... ඊනිව්ස් නොබලා නොමැති බව එතුමන් සිදුකල සමහර කතිකාවත් තුලින් පිබිඹිඹුව අැත.
නමුත් මෑතක සිට ජනාධිපති වරයා හෝ එතුමන්ගේ මාධ්‍ය ඒකකය සමග ඊනිව්ස් කිසියම් විරසකයක් හෝ නොඅවබෝධයක් නිසා හෝ මේ අතර අපට නොපෙනෙනා තවත් පාර්ශවයක් විසින් බේදබින්න අැති කරලීමේ අදිටනින් සිදුකරන්නා වූ කුමන්ත්‍රනයක් නිසා හෝ 100% ම නිවැරදි නොවන සමහර පුවත් ඊනිව්ස් තුලින් ප්‍රචාරනය වීම නිසා කිසියම් අරෝඅරාවක් පවතින්නේදැයි නිරන්තරව ඊනිව්ස් බලනා පාඨක අප හට සැකසාංකා අැතිවූ වාර අනන්තය.
එමෙන්ම සමස්ථ ඊනිව්ස් පාඨක අප හට ඊනිව්ස් පාලනාධිකාරිය වෙත පෙන්වා දිය යුතුව අැති සුවිශේෂී කාරනාවක් අැත. එනම් ඊනිව්ස් යනු නිර්භීත ලෙස පාඨක ප්‍රජාව වෙත උණුසුම් පුවත් ඉතාමත් රැඩිකල් ස්වාභාවයෙන් ඉදිරිපත් කරනා සමාජ මාධ්‍ය අඩවියකි. ඒ නිසාම ඊනිව්ස් වෙත නාමිකව හෝ නිර්නාමිකව ලිපි සපයන්නා වූ සමහර අය අතින් සිතා මතාම හෝ සිංහයින් වීමට සිතා හෝ දුරදිග නොසිතා නොසොයා සපයන්නා වූ යම් යම් පුවත් නිසා සමහර පාර්ශවයන් හට අගතීන් සිදු උනු අවස්ථාද නැතිව නොවේ...
මේ අතරින් වත්මන් ජනාධිපතිවරයා සුවිශේෂී ඉලක්කයක් විය.
එම අදහස ඊනිව්ස් වෙතින් ප්‍රතික්ෂේප උනත් නොවුවත් පාඨක අපගේ අවබෝධය නම් එයම විනි..!
කෙසේ වතුදු ඊනිව්ස් සේවාව කාලාන්තරයක් පුරා අතිමහත් සමාජ මෙහෙවරක් ඉටු කර අැති අගතියට පත් ලාංකිකයින් වෙනුවෙන් පෙනී සිටි ලාභ අලාභ කීර්ති ප්‍රශංසා පිලිබඳ කිසිඳු අපේක්ෂාවක් අැතැයි නොසිතෙන නිර්ව්‍යාජ මාධ්‍ය ජාල අඩවියක් බව අවිවාදයෙන් නැවතත් පසක් කරමු. ඉතිහාසය තුල අප ලබා අැති අත්දැකීම් අනුව නායකයින් සහ පාලකයින් විශ්වාසය පලුදු කල දා අවිහිංසක ජනතාවගේ පිහිටට හිටියේ ඊනිව්ස්ය. එබැවින් යම් ලෙසකින් අනපේක්ෂිත සුනාමියකින් හෝ අපට වත්මන් යහපාලනයද අහිමි උවහොත් නැවතත් පිහිටට සිටිතැයි විශ්වාසය පල කල හැක්කේ අන් කිසිවකුදු නොව ඊනිව්ස්ම පමනකි.
එදිනට අැත්ත වශයෙන්ම මේ අහිංසක දරුපවුල්කාර සත්පුරවැසියා පවා තම ජිවිත අවධානම තකා මුනිවත රැකීමට ඉඩ අැත...!
යමපාලන යුගයේදී සමහර ඊනිව්ස් පාඨක ප්‍රජාව මොන තරම් බයෙන් රහසින් ඊනිව්ස් බැලුවේද යත් (ඔබගේ කාරුණික පරිත්‍යාගයෙන් තොරව ලංකා ඊ නිව්ස් පවත්වාගෙන යා නොහැක.)යන අායාචනය වෙනුවෙන්වත් ඊනිව්ස් වෙත මූල්‍යය දායකත්වයක් අාධාරයක් උපකාරයක් කිරීමට පවා බිය වූයේ අදාල ගෙවීම් තුලින් හෝ තම අන්‍යතාවයන් පිලිඹිඹු වේයයි යන ප්‍රාණ බිය නිසාය. ඒ හුඹස් බිය අදටත් ප්‍රජාව තුලින් නොවියැකීව පවතින්නේ යමපාලනය තවමත් සමාජය තුල හැලහොල්මන් කරනා බැවිනි.
ඊනිව්ස් ලංකාව තුල මෙහෙයුම් සිදුකල වකවානුවේදී පැවති යමපාලනය තමන් හට සිදු කල විනාශය සහ අලාභ හානි පිලිඹඳ කිසියම් දුක්ගැනවිල්ලක් දේදුනු විප්ලවය ජයගත් මුල් වකවානුව තුල ඔවුන් විසින් තම අඩවිය ඔස්සේද ප්‍රචාරනයක් සිදුකලා යැයි මට කිසියම් මතකයක් අැතුවා/නැතුවා වගේය.
නමුත් අදටත් නිතිපතා නොවරදවා දිනකට වාර කීපයක් දැන් කුමක් සිදුව අැත්දැයි කියා ඊනිව්ස් බලනා සත්පුරවැසියාට නම් යහපාලන රජය මගින් සිදුකල යුග මෙහෙවර උදෙසා ඊනිව්ස් වෙත කල ස්තූතියක් හෝ අඩුතරමින් අදාල සිද්ධිය වෙනුවෙන් පරීක්ෂනයක් සිදුකරනා බව හෝ ප්‍රකාශනය වනු නොදැකීම කණගාටුවට කරුණකි. නමුත් ඒ උණුසුම් කාල පරිජ්චේදය තුල අතපසුව ගියද තම ඉල්ලීම දිගින් දිගටම මතුකලා නම් යහපාලනය තුලින් යම් සාධාරනයක් ඉෂ්ඨ සිද්ධ කර ගැනීමට ඉඩ කඩ නොතිබුනා යැයි සිතිය නොහැක්කේ යහපාලනය හිටපු යුධ හමුදාපති වරයාට කෘතගුණ සැලකූ අාකාරය දුටු නිසාය.
නමුත් මෙහිදීද ඊනිව්ස් ගති සෝභාව පිලිබඳ යම් අවබෝධයක් අැති මා හට සිතුනේ ඊනිව්ස් අඬ අඬ කිසිවකු පසු පස යන්නේ නැහැනේ යන්නයි...
සැමටම ස්තුතියී.
විරසකකම් පහවේවා. සංහිඳියාව රජ වේවා. රටට ජාතියට සාමය, සතුට, සෞභාග්‍ය උදාවේවා, ඊනිව්ස් කාර්යය මණ්ඩලයටත්, ජනපති, අගමැති අැතුළු යහපාලන රජයටත් දීර්ඝායු වේවා. තුණුරුවන්ගේ සරනයි. සියළු දෙවි රැකවරනයි.
නැවතත් ස්තුතියී. සත්පුරවැසියා මුළු රටම වෙනුවෙන්...
No comments:
Post a Comment